 
26.01.2021
Վաղվանից կգործի ԿԲ դրամանիշների փոխանակման գործառնական դրամարկղը Կենտրոնական բանկը տեղեկացնում է, որ 2021 թ. հունվարի 26-ից գործելու է ՀՀ ԿԲ դրամանիշների փոխանակման գործառնական դրամարկղը (ք. Երևան, Վազգեն Սարգսյան 6), որտեղ քաղաքացիները կարող են փոխանակել շրջանառությունից դուրս բերված, հնամաշ կամ վնասված ՀՀ դրամները: 
26.01.2021
Pfizer-ը հայտնել է Կանադայի իշխանություններին, որ երկիրը հաջորդ շաբաթ պատվաստանյութի որևէ չափաբաժին չի ստանա Բելգիայի իր ձեռնարկությունում արտադրության շարունակական խափանումների պատճառով՝ հայտնում է cnn-ը: Վարչապետ Ջասթին Թրյուդոն, սակայն, վստահեցրել է կանադացիներին, որ պատվաստանյութի մատակարարումը կվերսկսվի մի քանի շաբաթից, և ուժի մեջ կմնա մինչև սեպտեմբեր այն քաղաքացիների պատվաստումը, որոնք դա ցանկանում են: Կանադան Pfizer/BioNTech պատվաստանյութը ստանում է Եվրոպայից, այլ ոչ թե մոտակա ամերիկյան ձեռնարկություններից, քանի որ Թրամփի վարչակազմը հասկացրել էր, որ պատվաստանյութերը չեն արտահանվի: Կանադացիները հույս ունեն, որ Բայդենը կփոխի նաև Թրամփի այդ որոշումը: Նրանք սպասում են ամերիկացիների աջակցությանը: Օնտարիոյի վարչապետ Ֆորդն ուղղակի դիմել է Բայդենին՝ Կանադայի համար մեկ միլիոն պատվաստանյութ ուղարկելու խնդրանքով: 
26.01.2021
Հայաստանում կորոնավիրուսային իրավիճակը կայուն է: Պնդում է ԱՆ հիվանդությունների վերահսկման և կանխարգելման ազգային կենտրոնի ոչ վարակիչ հիվանդությունների համաճարակաբանության բաժնի պետ Ռոմելա Աբովյանը։ Թեև վարակվածների թվի ակնհայտ նվազում կա, սակայն մասնագետը հորդորում է պահպանել հակահամաճարակային կանոնները: Տարածաշրջանում կորոնավիրուսի հաստատված դեպքերով առաջատարը Թուրքիան է՝ 2 միլիոն 429.605 դեպքով: Իրանը երկրորդ տեղում է՝ 1.372.977 հաստատված դեպքով: Երրորդ հորիզոնականում Վրաստանն է, ուր կորոնավիրուսով վարակվել է ավելի քան 253.816 բնակիչ: Հաջորդը Ադրբեջանն է՝ կորոնավիրուսի հաստատված 228.975 դեպքով: Հայաստանում այսօրվա դրությամբ հաստատվել է կորոնավիրուսի 166 094 դեպք: Մասնագետը հիշեցնում է՝ շուրջ 11 ամիս Հայաստանը պայքարում է կորոնավիրուսի դեմ՝ հիմք ընդունելով առողջապահության համաշխարհային կազմակերպության և այլ երկների փորձը՝ երբեմն կիրառելով ավելի խիստ միջոցառումներ: Հայաստանը 1 մլն բնակչությանը բաժին ընկնող կորոնավիրուսի վարակման դեպքերով դեռ դեկտեմբերին տարածաշրջանում առաջատարի իր դիրքը զիջել էր Վրաստանին: Աշխարհի երկրների ցանկում՝ 1 մլն բնակչությանը բաժին ընկնող կորոնավիրուսի վարակման դեպքերով Վրաստանը հայտնվել է 13-րդ տեղում: Հունվարի 20-ին կառավարության հետ հարցուպատասխանի օրը մեր երկրում դեպքերի նվազմանն ու տարածաշրջանում կորոնավիրուսային իրավիճակին անդրադարձել է նաև վարչապետ Նիկոլ Փաշինյանը: Ի դեպ, Վրաստանի հիվանդությունների վերահսկման ազգային կենտրոնի տնօրեն Ամիրան Գամկղրելիձեն այսօր ասել է՝ ևս մեկ տարի ստիպված են ապրել որոշ կանոնակարգերով՝ հրաժարվելով հարսանիքներից, մեծ հավաքներից ու միջոցառումներից: 
24.01.2021 Netflix-ը խոստանում է 2021 թվականին շաբաթական նվազագույնը մեկ ֆիլմ թողարկել 2020 թվականը մեծ հարված հասցրեց նաև կինոթատրոններում ցուցադրվող կինոմատոգրաֆիային, սակայն նպաստեց օնլայն կինոթատրոնների զարգացմանը: Netflix-ը հանդիսանալով այդ ոլորտի ամենահայտնի ներկայացուցիչներից մեկը, խոստանում է 2021թ. շաբաթական նվազագույնը մեկ նոր լիամետրաժ ֆիլմ թողարկել: Սպասվող ամենահետաքրքիր ֆիլմերի մի քանի դրվագներ հավաքված են այս տեսանյութի մեջ:
24.01.2021 Raspberry-ն ներկայացրեց 4$-անոց մինի Pico համակարգիչը Սարքն ունի ներդրված 264Կբ SRAM հիշողություն, ինչը կարելի է շատացնել QSPI ինտերֆեյսով մինչև 16Մբ արտաքին հիշողություն միացնելու հաշվին: Raspberry Pi Pico-ն ունի մեկ հատ Micro-USB 1.1 բնիկ, ինչի միջոցով սարքը միանում է հոսանքին կամ կատարվում է ծրագրավորում (C կամ MicroPython): Սարքն ունի նաև մի շարք այլ I/O ինտերֆեյսներ: Սարքը չունի Wi-Fi և Bluetooth մոդուլներ, սակայն ունի ջերմաստիճանի սենսոր:
24.01.2021 Huawei-ից վերջերս առանձնացած Honor ընկերությունը ներկայացրեց իր առաջին Honor V40 5G սմարթֆոնը Huawei-ից վերջերս առանձնացած Honor ընկերությունը ներկայացրեց Honor V40 ֆլագմանը: Հիշեցնեմ, որ վերջերս Huawei ընկերությունը վաճառեց Honor-ը, որպեսզի այս ապրանքանիշը չմտնի ԱՄՆ-ի կողմից կիրառվող պատժամիջոցների մեջ: Honor V40 սմարթֆոնն ունի 6.72 դյույմանոց OLED էկրան (120Հց, 1236×2676): Սարքն աշխատում է MediaTek Dimensity 1000+ 5G պրոցեսորով: Օպերատիվ հիշողությունը 8ԳԲ է, իսկ ներքինը՝ 128/256 ԳԲ: Սարքի մարտկոցը 4200 մԱ/ժ է, որը լիցքավորվում է USB Type-C-ով 66 Վտ լիցքավորիչով, կամ 50Վտ անլար լիքավորիչով: 
15.06.2020
30.03.2020 Տիմոշենկոն հայտնել է Ուկրաինայում պատրաստվող «դարի խարդախության» մասին
«Բատկիվշչինա» ընդդիմադիր կուսակցության առաջնորդ Յուլյա Տիմոշենկոն հայտնել է, որ Ուկրաինայի իշխանությունները պատրաստվում են իրականացնել «դարի խարդախությունը» եւ հողի շուկա բացելու մասին օրենք ընդունել՝ քողարկվելով կորոնավիրուսի համավարակով: Նա այս մասին գրել է իր ֆեյսբուքյան էջում: Նրա խոսքով՝ խորհրդարանականները նախատեսում են համապատասխան օրենքն ընդունել Ռադայի արտահերթ նիստում: «Օրենք, որն արդեն մի քանի տարի հետո օտարերկրացիներին թույլ կտա գնել մեր սեւահողերը: Եվ մեր հողը իր պտուղներն ու շահույթը կբերի ոչ թե ուկրաինացիներին, այլ միջազգային հոլդինգներին, որոնք վաղուց են այն աչքադրել»,- նշել է Տիմոշենկոն: Քաղաքական գործչի կարծիքով՝ ուկրաինացիներին կխաբեն: «Մարդկանց կբացատրեն, որ միայն այդպես հնարավոր կլինի ստանալ հերթական վարկը եւ խուսափել դեֆոլտից»,- կարծում է Տիմոշենկոն: Նա շեշտում է, որ երկրի իշխանությունները օգտվում են այն հանգամանքից, որ կարանտինի հետ կապված ուկրաինացիները չեն կարող բողոքի ակցիաներ անցկացնել: «Բատկիվշչինայի» ղեկավարը նաեւ խոստացել է այս հարցում Ուկրաինայի իշխանություններին հակազդել: 
30.03.2020 Արցախում այսօր լռության օր է
Արցախում նախընտրական քարոզչության՝ օրենքով նախատեսված ժամանակն ավարտվել է։ Քվեարկության նախորդող օրը թեկնածուները լուռ են, հանգստանում։ Նշենք, որ մարտի 31-ի համապետական ընտրություններին մասնակցելու են Հանրապետության նախագահի 14 թեկնածուներ, իսկ Ազգային ժողովի ընտրություններին` 10 կուսակցություններ եւ 2 կուսակցությունների դաշինքներ: Արցախի նախագահի հավակնորդների առաջատարներն են Արայիկ Հարությունյանը, Մասիս Մայիլյանը եւ Վիտալի Բալասանյանը: Նախօրեին կայացել է հեռուստատեսային բանավեճ թեկնածուների միջեւ, որին չի մասնակցել Մասիս Մայիլյանը: Արցախի ԿԸՀ-ն սահմանել է Արցախի Հանրապետության նախագահի եւ Ազգային ժողովի 2020 թվականի մարտի 31-ի ընտրությունների քվեաթերթիկների նմուշները. Հանրապետության նախագահի ընտրությունների քվեաթերթիկը կլինի վարդագույն, իսկ Ազգային ժողովի ընտրությունների քվեաթերթիկը կունենա սպիտակ գույն՝ երկու գույնի հատուկ ջրաներկի պաշտպանմամբ: Նշենք, որ մարտի 31-ին կայանալիք համապետական ընտրությունները լուսաբանելու նպատակով ԿԸՀ-ում հավատարմագրվել են գրեթե 4 տասնյակ լրատվամիջոցների 200-ից ավելի ներկայացուցիչներ: Նշվում է, որ նոր կորոնավիրուսի տարածման սպառնալիքից ելնելով, ԱՀ կենտրոնական ընտրական հանձնաժողովի նախագահ Սրբուհի Արզումանյանի մամուլի ասուլիսը, որը նախատեսված էր քվեարկության օրվա նախօրեին՝ մարտի 30-ին, հավատարմագրված լրատվամիջոցների եւ դիտորդական կազմակերպությունների ներկայացուցիչների մասնակցությամբ, կկազմակերպվի առցանց: Ասուլիսը կսկսվի մարտի 30-ին՝ ժամը 14:00-ին եւ ուղիղ կհեռարձակվի Կենտրոնական ընտրական հանձնաժողովի ֆեյսբուքյան էջի միջոցով: 
30.03.2020 Ժամը 12.00 տեղի կունենա կառավարության արտահերթ նիստ, որտեղ կընդունենք հակաճգնաժամային եւս 3 փաթեթ. Փաշինյան
Ժամը 12.00 տեղի կունենա կառավարության արտահերթ նիստ, որտեղ կընդունենք հակաճգնաժամային եւս 3 փաթեթ: Այս մասին Facebook-ի իր էջում գրել է ՀՀ վարչապետ Նիկոլ Փաշինյանը: «Այսպիսով, կառավարության կողմից ընդունված միջոցառումների թիվը կհասնի ութի: Նրանցից չորսը զուտ տնտեսական աջակցության բնույթ ունեն, չորսը՝ սոցիալական: 
30.03.2020 Հայերեն հնագույն թղթյա ձեռագրի ցուցահանդեսը՝ Մատենադարանում
Հայերեն հնագույն թղթյա ձեռագրի ցուցահանդեսը՝ Մատենադարանում 
30.03.2020 Երևանը՝ արտակարգ դրության օրերինԵրևանը՝ արտակարգ դրության օրերին 
17.01.2020 Microsoft-ը Windows-ի եւ MacOS-ի համար գործարկել է Edge Chromium բրաուզերը
 Microsoft-ը հայտարարել է Windows 10-ի եւ MacOS-ի համար Chromium-ի շարժիչով ավելի քան 90 լեզվով Edge նոր բրաուզերի թողարկման մասին: Թարմացումը կառնչվի նաեւ Android եւ iOS բջջային տարբերակներով օգտատերերին, նշված է ընկերության կայքում հրապարակված հաղորդագրության մեջ, փոխանցում է ՏԱՍՍ-ը: Microsoft-ը առանցքային նորամուծությունների թվում նշում է լրտեսման կանխման գործառույթը, նոր ներդիրի անհատականացված կարգավորումը, Internet Explorer ռեժիմը, 4K հոսքային տեսանյութի աջակցությունը, PDF-ում գրիչով աշխատանքը, Chrome-ի ընդլայնումների աջակցությունը եւ շատ այլ գործառույթներ: Edge-ը կարելի է պաշտոնական կայքից ինքնուրույն ներբեռնել կամ սպասել Windows 10-ի ավտոմատ թարմացմանը: Microsoft-ը հունվարի 14-ին հայտարարել էր Windows 7-ին աջակցությունը դադարեցնելու մասին՝ ՕՀ-ի թողարկումից 10 տարի հետո: Ընկերությունը օգտատերերին հանձնարարել է ֆայլերի եւ լուսանկարների պատճեններ ստեղծել OneDrive ամպային ծառայության միջոցով եւ օգտագործել Windows 10:
17.01.2020 Երեւանը 380-րդ տեղն է զբաղեցրել աշխարհի ամենաթանկ քաղաքների վարկանիշում
 Երեւանը 380-րդ տեղն է զբաղեցրել աշխարհի ամենաթանկ քաղաքների վարկանիշում։ Հարավային Կովկասի տարածաշրջանում Հայաստանի մայրաքաղաքը, պարզվել է, ամենաթանկն է։ Բաքուն զբաղեցրել է 390-րդ հորիզոնականը, իսկ Թբիլիսին՝ 404-րդ, համաձայն Numbeo-ի տվյալների բազայի, որը հրապարակել է կյանքի արժեքի ինդեքսի հունվարյան զեկույցը։ Աշխարհի ամենաթանկ քաղաքներ են ճանաչվել Ցյուրիխը, Բազելը եւ Լոզանը։ Վարկանիշի 4-րդ եւ 5-րդ տեղերը նույնպես զբաղեցրել են շվեյցարական քաղաքները՝ Ժնեւը եւ Բեռնը։ Այնուհետեւ տասնյակում ընդգրկված են Ստավանգերը, Օսլոն, Տրոնխեյմը (Նորվեգիա), Ռեյկյավիկը (Իսլանդիա) եւ Բերգենը (Նորվեգիա)։ Ռուսաստանի ամենաթանկ քաղաքը Մոսկվան է՝ 251-րդ տեղում։ Վարկանշային ցուցակում ընդհանուր առմամբ ներառված է 440 քաղաք։ Կյանքի արժեքը հաշվարկել են խանութներում եւ ռեստորաններում գների, տրանսպորտի եւ կոմունալ ծառայությունների ծախսերի, ինչպես նաեւ բնակչության գնողական ունակությունների հիման վրա։ Բնակարանների վարձակալության եւ գնման ծախսերն առանձին են հաշվարկել։
17.01.2020 Իրանում ուկրաինական ինքնաթիռի կործանման պատճառը մարդկային սխալն էր. Լավրով
 Իրանում ուկրաինական ինքնաթիռի կործանման պատճառը մարդկային սխալն էր: Այս մասին հայտարարել է Ռուսաստանի արտաքին գործերի նախարարի պաշտոնակատար Սերգեյ Լավրովը, հաղորդում է ՌԻԱ Նովոստին: «Դա մարդկային սխալ էր: Այն, որ դա կանխամտածված չի եղել, իմ կարծիքով, բոլորն են հասկացել, իսկ փոխահատուցում պահանջելը հարազատների իրավունքն է: Կարծում եմ՝ իրանական կողմը կդիտարկի այդ հարցը: Նրանք խոստովանել են, որ դա տեղի է ունեցել սխալմամբ»,- ասել է նա: «Կա տեղեկություն, որ այդ հարձակումից հետո իրանցիները սպասել են ԱՄՆ-ի եւս մեկ հարվածի: Չեն իմացել, թե ինչ ձեւով, սակայն հենց Իրանի սահմանին օդային տարածքում եղել են առնվազն 6 F-35-եր: Այդ տեղեկությունը, կարծում եմ, դեռեւս կստուգվի: Սակայն պարզապես ցանկանում են նշել նյարդայնությունը, որը միշտ առկա է նման իրավիճակներում»,- հավելել է Լավրովը: «Ուկրաինայի միջազգային ավիաուղիներ» ընկերության ինքնաթիռը հունվարի 8-ի առավոտյան վթարի էր ենթարկվել Թեհրանից Կիեւ չվերթի մեկնարկից մի քանի րոպե հետո, ինչի հետեւանքով զոհվել էր 176 մարդ՝ 167 ուղեւորներ Իրանից, Ուկրաինայից, Կանադայից, Գերմանիայից, Շվեդիայից եւ Աֆղանստանից եւ անձնակազմի 9 անդամները:
|
