Մարդկանց մեծ մասի համար մեկանգամյա օգտագործման համար նախատեսված թեյի
փաթեթիկները սովորական աղբ են, սակայն նկարիչ ու գրաֆիկական դիզայներ Ռուբի Սիլվիուսը դրանք աղբամանը
նետելու փոխարեն օգտագործում է արվեստի գործեր ստեղծելու համար:
Ինչպես նշում է Oddity Central-ը, Ռուբիի խոսքով՝ ինքը միավորել է երկու ամենասիրած բաները՝ թեյն ու նկարչությունը:
Նյու Յորքում բնակվող նկարչուհին մի քանի տարի առաջ իրականացրել է «Թեյի 365 օրը» ուշագրավ ֆոտոնախագիծը,
որի շրջանակում ամեն օր նոր կտավ է նկարել օգտագործված թեյի փաթեթիկների վրա:
Ֆոտոնախագիծը հետաքրքրել է բազմաթիվ մարդկանց ու Ռուբիին որոշակի ճանաչվածություն բերել:
Այժմ նա իր աշխատանքները ցուցադրում է ԱՄՆ-ի տարբեր քաղաքներում, ինչպես նաև դրանցով կիսվում է համացանցում: